O vindeiro xoves 3 de outubro levaremos a cabo un obradoiro de avaliación do estado ecolóxico do rio Eume, ao seu paso polas fragas de Pontedeume, co noso proxecto “Vixías dos nosos ríos”.

O alumnado de 1º da ESO do IES Breamo, de Pontedeume, poñerán en práctica o aprendido nas charlas impartidas a finais de Setembro nese centro educativo.

Por unha banda, terán que colectar e identificar os macroinvertebrados que viven no rio, logo medirán diversos parámetros físicos e químicos nas augas, e por último avaliarán a calidade do bosque de ribeira. Con todos estes datos, poderán tomarlle o pulso ao rio Eume e poñerlle nota ao seu estado de conservación.

Esta actividade encádrase no programa de actividades de “Vixías dos nosos ríos”, un proxecto do Grupo Naturalista Hábitat subvencionado por Augas de Galicia.

Dúbidas e comentarios en vixiasrios@gnhabitat.org│639 13 16 88