O venres 27 comezamos coas charlas para escolares de presentación do proxecto “Vixías dos nosos ríos” no IES Breamo en Pontedeume. Explicaremos aos alumnos de 1º da ESO o procedemento a seguir nos obradoiros en campo para avaliar o estado ecolóxico das augas superficiais e do bosque de ribeira. Estas charlas están enfocadas na posta en valor dos ríos e mostraremos algúns dos impactos que sofre este ecosistema. Explicaremos a metodoloxía a seguir no obradoiro que farán nos seguintes días: análise da calidade do bosque de ribeira, medicións fisicoquímicas e índices de macroinvertebrados. O alumnado participante (en total 92) coñecerá mellor os ríos da súa contorna e como identificar algunhas das especies máis emblemáticas dos nosos ríos.

As charlas terán lugar en 3 sesións o venres 27 de setembro do 2024, ás 10:30h., 11:20 e 12:30h. no salón de actos do IES Breamo (Avenida Ricardo Sánchez, 5, 15600, Pontedeume, A Coruña). 

Estas charlas encádranse no programa de actividades de “Vixías dos nosos ríos”, un proxecto do Grupo Naturalista Hábitat subvencionado por Augas de Galicia.

Dúbidas e comentarios en vixiasrios@gnhabitat.org│639 13 16 88