O vindeiro domingo continuaremos facendo o que máis nos gusta: poñer en valor, gozar e dar a coñecer a riqueza biolóxica presente na nosa contorna. Desta volta iremos da man dos compañeiros do Grupo Scout Nyeri, que reune xente de todas as idades cun compromiso de respecto pola natureza xa integrado nos propios valores da entidade.

De seguro será unha xornada na que uns e outros aprenderemos xuntos, compartindo experiencias, coñecementos e inquedanzas en prol do medio ambiente. Sempre é un pracer gozar da natureza en boa compañía!