O lixo mariño representa unha das principais ameazas para os ecosistemas costeiros, afectando tanto á biodiversidade como á calidade ambiental das nosas praias. A través de actividades prácticas é posible achegar esta realidade á cidadanía e fomentar actitudes responsables desde idades temperás.

Seguindo coas actividades programadas da man do CEIP Sada y sus Contornos, levaremos a cabo unha actividade interventiva de recollida e caracterización de lixo mariño, na que o alumnado de 3º de Educación Primaria participará activamente na retirada de residuos e na análise da súa tipoloxía e posible orixe. Terá lugar o luns 23 de marzo de 2026 ás 11:30 h na praia das Delicias (Sada).

A actividade enmárcase no proxecto educativo MareSada, que o centro está a desenvolver ao longo do curso escolar arredor da temática mariña, contribuíndo a reforzar a sensibilización ambiental e o coñecemento do litoral.

Esta acción forma parte do proxecto “Estudo e divulgación do medio mariño e costeiro no GALP GA Sur 2025”, co que GN Hábitat promove a conservación e posta en valor do litoral a través de accións de seguimento ambiental, recuperación de espazos costeiros e actividades de divulgación e sensibilización cidadá. Conta co financiamento da Unión Europea, a través do Fondo Europeo Marítimo e da Pesca (FEMP), e pola Xunta de Galicia.