Este xoves, 22 de xaneiro do 2026, “Natureza kmØ” acudirá ao CEIP Plurilingüe San Pedro de Visma (A Coruña) para levar adiante as necesarias tarefas de revisión, desinfección, mantemento e recolocación da rede de caixas niño e refuxios de fauna que acubilla as instalacións do centro. Estas redes, compostas por diferentes estruturas destinadas á cría ou refuxio de especies silvestres, instaladas nos espazos verdes das contornas urbanas (tales como parques, patios de centros escolares, entre outros) e correctamente elaboradas e mantidas, poden axudar a suplir a escaseza de refuxios naturais, facilitar a posta en marcha de estudos científicos, ao tempo que permitir o establecemento de certas especies beneficiosas (fauna útil) nun espazo determinado, optimizando a biodiversidade da contorna.