O coñecemento do medio mariño é fundamental para fomentar o respecto e a conservación dos nosos océanos desde idades temperás. Por iso, levaremos a cabo catro actividades divulgativas para o alumnado do CEIP Isidro Parga Pondal, de Santa Cruz (Oleiros), para achegar aos estudantes de 1º e 2º de Educación Primaria a riqueza e diversidade dos organismos que habitan os nosos mares, así como a problemática do lixo mariño:

Faladoiro “Os habitantes dos nosos mares”

• 8 maio ás 12 h. Alumnado de 1º de Educación Primaria.
• 15 maio ás 9.15 h. Alumnado de 2º de Educación Primaria.

Visita ao intermareal de Santa Cruz (Oleiros)

• 14 maio ás 9.15 h. Alumnado de 1º de Educación Primaria.
• 15 maio ás 10.15 h. Alumnado de 2º de Educación Primaria.

Estas accións forman parte do proxecto “Estudo e divulgación do medio mariño e costeiro no GALP GA Sur 2025”, co que GN Hábitat promove a conservación e posta en valor do litoral a través de accións de seguimento ambiental, recuperación de espazos costeiros e actividades de divulgación e sensibilización cidadá. Conta co financiamento da Unión Europea, a través do Fondo Europeo Marítimo e da Pesca (FEMP), e pola Xunta de Galicia.