O martes, 12 de agosto, de 10:00 a 13:00h, convidámoste a un novo Encontro Naturalista, desta volta no Lago das Encrobas, en Cerceda. Nesta saída achegarémonos ao fascinante mundo das libélulas, uns insectos tan antigos como sorprendentes, que destacan pola súa beleza, diversidade de cores e comportamento. Aprenderemos a identificar diferentes especies, observaremos o seu ciclo de vida e coñeceremos o importante papel que desempeñan como bioindicadores da calidade das augas.

Para a asistencia e participación é imprescindible a reserva de praza (inscrición previa) a través do seguinte formulario habilitado:

As prazas son limitadas e asignaranse por rigorosa orde de inscrición. A reserva non será efectiva ata recibir confirmación por parte do G.N. Hábitat a través do correo electrónico facilitado no formulario.

Se tes dúbidas ou precisas máis información, podes escribir a inscricion@gnhabitat.org ou chamar ao 981 135 014.

Anímate a participar connosco!