O pasado sábado 28 de maio de 2016 celebrouse a III Maratón Ornitolóxica Reserva de Biosfera “Mariñas Coruñesas e Terras do Mandeo”, organizada polo Grupo Naturalista Hábitat e a Reserva da Biosfera MCeTM, xunto con multitude de entidades colaboradoras.

Esta actividade lúdica consistiu en identificar por equipos o maior número posible de especies de aves silvestres dentro de cada un dos municipios da Reserva de Biosfera “Mariñas Coruñesas e Terras do Mandeo” e A Coruña, durante 18 horas.

En total participaron 14 equipos noutros tantos concellos diferentes, cun total de 36 observadores. O equipo gañador foi o do concello de Sobrado dos Monxes, composto por José Barallobre Veiga e Javi F. Lodeiro como cabeza de equipo cun total de 63 especies avistadas e 80 puntos en total.

Primeiro clasificado

Os resultados finais foron moi notables, con 112 especies de aves vistas en total, só dúas menos que o ano anterior pese o mal tempo que reinou na meirande parte da xornada. Os concellos con maior número de especies vistas foron Sobrado e Aranga con un empate a 63 especies. Aranga acadou o segundo posto na clasificación con 74 puntos, seguido de Betanzos con 61 especies e 69 puntos.

Segundo clasificado

Terceiro clasificado

Este é un resumo das cifras por concellos:

Concello	Nº Especies	Puntuación
Sobrado dos Monxes	63	80
Aranga	63	74
Betanzos	61	69
Miño	57	67
Arteixo	56	62
Bergondo	45	49
Abegondo	44	47
Culleredo	43	47
Oleiros	39	42
Sada	38	42
A Coruña	34	40
Cambre	39	39
Irixoa	38	39
Paderne	35	37
Total especies	112

 

Consulta aquí a lista completa de observacións por especie e concello.