Chegou o verán e, con el, as xornadas de praia e de baños no mar. Por iso, o 8 e 9 de xuño acudiremos ao CEIP de Zalaeta (A Coruña) a celebrar obradoiros titulados “Os habitantes do mar” para a rapazada de Educación Infantil (3º a 6º) e Educación Primaria (1º a 6º). Neles, os pequenos descubrirán a enorme diversidade de algas e animais que viven no noso mar, especialmente aquelas especies que podemos observar nas visitas á praia ou ao intermareal.