As actividades do proxecto “Vixías dos nosos ríos” lévannos, desta volta, ata a aula de interpretación de Chelo (Coirós) para desenvolver un obradoiro de avaliación do estado ecolóxico do Mandeo o venres 18 de outubro.

Contaremos cos alumnos de 1º da ESO do CPI Cruz do Sar, de Bergondo, que poderán poñer en práctica no campo o aprendido nas charlas impartidas a semana pasada nese centro educativo.

Para iso, terán que recoller e identificar os macroinvertebrados que viven no rio, medir diversos parámetros físicos e químicos nas augas, e examinar a calidade do bosque de ribeira analizando a vexetación. Finalmente, poderán poñerlle unha nota ao estado de conservación do rio Mandeo baseándose nos datos obtidos.

Esta actividade encádrase no programa de actividades de “Vixías dos nosos ríos”, un proxecto do Grupo Naturalista Hábitat subvencionado por Augas de Galicia.

Dúbidas e comentarios en vixiasrios@gnhabitat.org│639 13 16 88