Un percorrido polo traballo do G.N. Hábitat na recuperación e difusión da nomenclatura en galego da nosa flora e fauna.

No Grupo Naturalista Hábitat sabemos que nomear é unha forma de coñecer, de facer propio o que nos rodea e de achegalo á xente. Por iso, desde hai anos vimos prestando especial atención aos nomes galegos das especies de flora e fauna, tanto recollendo nomes populares no campo como colaborando con proxectos e publicacións especializadas.

Listas e materiais de referencia

Esta liña de traballo levounos a participar en diversas iniciativas, como a elaboración de listas de nomes comúns en galego:

🐞 Libélulas: Ver documento 

🧘 Bolboretas: Ver documento 

🦜 Aves: Ver documento

Actividades divulgativas

Tamén puxemos o foco na divulgación destes nomes a través do ciclo “Falando de natureza”, con charlas como:

Ademais, formamos parte da revisión dos nomes galegos na prestixiosa guía Aves de Europa – Identificación de todas las especies y plumajes, de Van Duivendijk & Guyt (2024, Lynx Nature Books).

Un paso máis: colaboración con A Chave

Desde hai tempo colaboramos co proxecto A Chave (www.achave.gal), impulsado por Silverio Cerradelo, unha iniciativa centrada en dar nome en galego aos seres vivos que nos rodean. Esta colaboración discretamente continua dá hoxe un paso moi especial: no Día das Letras Galegas 2025, temos a ledicia de anunciar oficialmente esta alianza.

Como primeiro froito conxunto, presentamos a publicación:

📖 Os nomes galegos dos insectívoros, preguizas e colugos Descargar PDF

Mirando ao futuro

Desde o Grupo Naturalista Hábitat seguiremos traballando man a man con A Chave para ampliar estas listas e darlles vida na nosa lingua. Porque nomear en galego é unha forma de coidar a natureza que nos é propia, poñendo en valor tanto o noso patrimonio natural como o lingüístico.

Esta é unha aposta pola biodiversidade… e pola diversidade das palabras que a explican.