Este venres, 10 de outubro, o noso vicepresidente, Santiago Vázquez, participará na mesa-faladoiro nomeada Conversas que inspiran: urbanismo con vida, no marco da xornada “Espazos que volven á vida. Re-naturalizar” organizada pola Fundación PAIDEIA.

A xornada, dirixida especialmente a paisaxistas, persoal técnico municipal, urbanistas, arquitectos/as, naturalistas, biólogos/as, enxeñeiros/as agrónomos/as e forestais, construtores/as e demais profesionais vencellados ao territorio, establécese co obxectivo de reflexionar sobre como o urbanismo contemporáneo pode integrar procesos de renaturalización, restaurar os procesos ecolóxicos e favorecer a biodiversidade, co fin de contrarrestar os efectos dun urbanismo desmesurado no pasado.

A participación é de balde, mais é preciso a inscrición previa a través dos medios habilitados na web da Fundación PAIDEIA