O 31 de outubro vimos nas redes sociais, concretamente no Instagram unha publicación de Fernando Cortés-Fossati, que nos gustou moito (ligazón á publicación). Nela Fernando explicaba como en Halloween ou Samaín as decoracións facíanse especialmente con arañas e as súas teas, polo que mellor data para celebrar o Día Mundial das arañas. Namorámonos da proposta, polo que contactamos con el e animouse xunto con Marcos Méndez a darnos unha charla sobre arañas este luns, 27 de novembro do 2023, ás 20h!!
Fernando Cortés-Fossati é investigador na Área de Biodiversidade e Conservación da Universidade Rey Juan Carlos (Madrid) e especializado en artrópodos e no veleno das arañas. É divulgador científico e moi activo en redes sociais. Ten publicado diversos artigos centrados na ecoloxía, comportamento e evolución de Artrópodos terrestres e actualmente está centrado no estudo das arañas.
Marcos Méndez Iglesias é investigador da Universidade na Área de Biodiversidade e Conservación da Universidade Rey Juan Carlos. Investiga distintos aspectos da bioloxía evolutiva das plantas, mais leva 20 anos interesado e traballando na ecoloxía e conservación da vacaloura e outros escaravellos, libélulas e arañas. No 2016 na xornada da especie do ano da vacaloura, convenceunos para realizar o seguimento da especie en Galicia, xa que él é o coordinador en España do seguimento desta especie.
O luns, 26 de novembro, baixo o título “Ecología de las arañas e Importancia Médica en humanos ¿es verdad todo lo que nos cuentan?” onde nos falarán deste grupo de artrópodos que espertan máis medo que paixóns, e farán que moita xente as vexa con outros ollos e as respecten moito máis pola súa importancia nos nosos ecosistemas.
Se queres participar como público poderás conectar libremente a través das nosas redes sociais, e facer as túas consultas por escrito a través destas mesmas redes. Rematada a conferencia, un moderador dará paso a un breve tempo de preguntas, atendendo na medida das posibilidades a todas aquelas que fosen enviadas.
Podes seguir o directo na nosa canle de Youtube:
E tamén:
Dúbidas e comentarios en inscricion@gnhabitat.org│981 135 014
Agardámoste!
A cantas persoas ao ano, en toda España, fan dano todas estas arañas tan malas e que dan tanto medo? Cómo lles podo perder o medo ás arañas?
Muy interesante, aunque la parte de cuando hablan de la tenencia de exóticos deja mal sabor de boca al final, se dejaron llevar por su opinión personal dejando a un lado la parte técnica y convirtiendo ese momento en una noticia amarillista más de esas de las que reían al inicio de su charla, contradiciendo en algunas partes sus propios argumentos sobre la inocuidad y la dificultad de establecerse de especies exóticas, muy confuso todo, una pena, recomiendo cortarla para no estropear el resto de la charla.