O vindeiro sábado 5 de maio celébrase na Coruña o “XXIII Día da ciencia na rúa”, e para conmemoralo compañeiros do G. N. Hábitat estaremos na contorna da Torre de Hércules desenvolvendo a  actividade “Xoguemos coa luz”, integrada nos actos de celebración do Ano Europeo do Patrimonio Cultural.

A través de xogos e experimentos sinxelos, pensados especialmente para os pequenos da casa, poderedes achegarvos dun xeito ameno ao coñecemento da luz, observando as súas características e comportamento ante diferentes situacións.

A xornada, de balde e aberta ao público, terá lugar o vindeiro sábado 05 de maio de 12h á 14h na contorna próxima ao Centro de Interpretación e Atención ao Visitante da Torre de Hércules. (mapa).

Dúbidas e comentarios en inscricion@gnhabitat.org│981 135 014

Anímate e ven connosco!