Esta fin de semana celebramos o Día Mundial das Aves e, para conmemorar esta data, organizamos varias actividades para achegarnos á nosa avifauna e coñecer mellor os espazos naturais nos que vive. Este sábado, 3 de outubro, desprazarémonos ata a Zona de Especial Conservación (ZEC) Encoro de Abegondo-Cecebre para descubrir a diversidade de aves asociada a este importante espazo natural.

A actividade terá lugar de 10:30 a 13:30h e permitirannos coñecer de preto as aves do encoro, así como afondar na importancia dos ecosistemas acuáticos para a conservación da biodiversidade. 

A actividade enmárcase dentro do programa Coawa, unha iniciativa de Emalcsa que promove o coñecemento da auga, dos ecosistemas que dependen dela e da importancia de facer un uso responsable deste recurso fundamental para a vida. 

A actividade é gratuíta e aberta ao público, para participar é imprescindible a reserva de praza (inscrición previa) a través do formulario habilitado:

As prazas son limitadas. Seguirase unha rigorosa orde de inscrición ata completar o máximo de participación. O feito de cubrir o formulario non asegura praza nas actividades ata non recibir confirmación por parte do G.N. Hábitat a través do correo electrónico achegado na inscrición.

Dúbidas e comentarios en inscricion@gnhabitat.org│981 135 014

Anímate e ven connosco!