O Grupo Naturalista Hábitat, co apoio de Augas de Galicia, pon en marcha nestes meses o proxecto “Vixías dos nosos ríos” na comarca da Mariña, no que se desenvolverán actividades en seis ríos da zona. O propósito principal é avaliar o seu estado de saúde, dar a coñecer os seus valores ambientais e as problemáticas que os ameazan, e promover accións de mellora a través do voluntariado ambiental.

As xornadas serán gratuítas e estarán abertas tanto ao público xeral como a centros educativos, coa intención de implicar á sociedade no coidado do noso Patrimonio Natural. Pretendemos formar novos Vixías dos nosos ríos, persoas que coñezan de primeira man os bosques de ribeira, a fauna que os habita e as especies que supoñen unha ameaza para eles, de maneira que poidan defender activamente a súa conservación.

Iremos informando de todas as actividades que se vaian lanzando (podes filtrar a táboa):

Para a asistencia e participación é imprescindible a reserva de praza (inscrición previa) a través do seguinte formulario habilitado:

As prazas son limitadas e cubriranse por rigorosa orde de solicitude; o feito de enviar o formulario non garante a praza ata recibir confirmación por correo electrónico. Todas as persoas confirmadas contarán cun seguro de accidentes e responsabilidade civil, e recibirán por email a información e recomendacións necesarias para aproveitar ao máximo a actividade.

Este voluntariado ambiental forma parte do programa “Vixías dos nosos ríos”, impulsado polo Grupo Naturalista Hábitat e financiado por Augas de Galicia. 

Dúbidas e comentarios en vixiasrios@gnhabitat.org│639 13 16 88

      inscricion@gnhabitat.org│981 135 014

Anímate e forma parte dos Vixías dos nosos ríos!