O vindeiro sábado 21 de xuño colaboramos coa entidade Roxin Roxal na realización dun fermoso roteiro polos arredores de Betanzos, centrado na tradición das herbas de San Xoán.

Durante esta andaina de pouca dificultade e unhas 3 horas de duración, compañeiros/as do Grupo Naturalista Hábitat, guiaremos ao grupo nun percorrido de identificación e interpretación das plantas propias do San Xoán, coas súas propiedades simbólicas, culturais e naturais.

Un pracer formar parte desta actividade que conecta tradición, biodiversidade e saber popular.