Mañá domingo 2 de abril os membros de Hábitat Carla, Daniel e Santiago achegaranse ao Concello da Capela a presentar o noso Proxecto Noucho, da man dos compañeiros da Asociación Cultura O Pértego.

A xornada contempla diferentes actividades no Forgoselo: roteiro, xantar e relatorios.  Para asistir é imprescindible apuntarse chamando aos teléfonos de contacto facilitados polos compañeiros de O Pértego, que veredes reflectidos no cartel da xornada.

Dende aquí, agradecer aos compañeiros desta Asociación Cultural o seu interese e ofrecemento.

Anímate e segue o Noucho na súa viaxe por Galiza!