O vindeiro domingo 2 de agosto, de 10:30 a 13:30 h, achegarémonos ao río Barcés para coñecer algúns dos macroinvertebrados acuáticos que habitan o río, como larvas de insectos, crustáceos, moluscos ou anélidos. Estes pequenos animais desempeñan un papel fundamental nos ecosistemas fluviais e, ademais, proporciónannos información moi valiosa sobre o estado de conservación dos ríos e a calidade das súas augas.

A actividade enmárcase dentro do programa Coawa, unha iniciativa de Emalcsa que promove o coñecemento da auga, dos ecosistemas que dependen dela e da importancia de facer un uso responsable deste recurso fundamental para a vida. O proxecto busca achegar á sociedade a relación existente entre a auga, o medio natural e as persoas a través de actividades divulgativas e experiencias no territorio.

A actividade é gratuíta e aberta ao público, para participar é imprescindible a reserva de praza (inscrición previa) a través do formulario habilitado:

As prazas son limitadas. Seguirase unha rigorosa orde de inscrición ata completar o máximo de participación. O feito de cubrir o formulario non asegura praza nas actividades ata non recibir confirmación por parte do G.N. Hábitat a través do correo electrónico achegado na inscrición.

Dúbidas e comentarios en inscricion@gnhabitat.org│981 135 014

Anímate e ven connosco!