O venres 11 de outubro impartiremos unha charla informativa para os estudantes do CPI Cruz do Sar de Bergondo, no marco do proxecto “Vixías dos nosos ríos”.

Os alumnos de 1º da ESO poderán aprender a metodoloxía que se seguirá nos obradoiros de campo para avaliar o estado ecolóxico das augas do río e do bosque de ribeira. Incluiremos a análise da calidade do bosque, medicións fisicoquímicas e a valoración dos índices de macroinvertebrados. Tamén destacaremos a importancia dos ecosistemas fluviais e presentaremos algúns dos impactos que estes ecosistemas padecen. 

Esta actividade desenvólvese no marco de “Vixías dos nosos ríos”, un proxecto do Grupo Naturalista Hábitat subvencionado por Augas de Galicia.

Dúbidas e comentarios en vixiasrios@gnhabitat.org│639 13 16 88