Velaquí unha nova oportunidade para coñecer in situ o Patrimonio Natural e Humano da ría do Burgo! Logo de éxito de participación acadado na primeira edición, abrimos unha nova convocatoria para quen desexe gozar deste roteiro interpretativo a pé, no que os guías, facendo diversas paradas no percorrido, explicarán os aspectos máis salientables desta contorna.

A xornada, de balde e aberta ao público, terá lugar o vindeiro domingo 17 de outubro, de 11 a 14h. Para a participación na actividade é imprescindible a reserva de praza (inscrición previa) a través do formulario habilitado:

As prazas son limitadas. Seguirase unha rigorosa orde de inscrición ata completar o máximo de participación, procurando dar prioridade a aquelas persoas que non tivesen asistido xa a primeira convocatoria desta mesma actividade. O feito de cubrir o formulario non asegura praza na actividade ata non recibir confirmación por parte do G.N.Hábitat a través do correo electrónico achegado na inscrición.

Todos os participantes que sexan confirmados vía email contarán cun seguro de accidentes e responsabilidade civil durante o desenvolvemento da xornada, e recibirán a información e recomendacións que sexan precisas para poder gozar da actividade.

Prégase seriedade e compromiso na asistencia ás actividades. Se unha vez confirmada a túa praza non puideras acudir, infórmanos da situación á maior brevidade posible, farás que outra persoa poda gozar da xornada.

As actividades e os participantes nas mesmas respectarán as medidas que fosen establecidas pola autoridade competente, no marco da situación de emerxencia sanitaria derivada da COVID-19.

Dúbidas e comentarios en inscricion@gnhabitat.org│981 135 014

Anímate e ven connosco!