O pasado domingo 12 de setembro celebramos a VIII Maratón Ornitolóxica da Reserva de Biosfera “Mariñas Coruñesas e Terras do Mandeo” que este ano formou parte das III Xornadas sobre ornitoloxía da citada reserva . Esta actividade formativa e lúdica consistiu en identificar por equipos o maior número posible de especies de aves silvestres dentro dos municipios da Reserva de Biosfera “Mariñas Coruñesas e Terras do Mandeo” agás Miño e Sobrado [Territorio Leader Mariñas-Betanzos], durante un máximo de 17 horas.

A meteoroloxía acompañou cunha xornada de sol e bo tempo aos case 40 observadores que se animaron a descubrir a riqueza ornitolóxica da nosa contorna, nun total de 9 equipos participantes.

O equipo número 1, formado por Cosme Damián Romay e Cristina Viqueira, non tivo rival e alzouse coa victoria cunha abraiante cifra de 96 especies avistadas e 128 puntos en total.

O equipo nº 2, cun total de 85 especies detectadas e 103 puntos, acadou o segundo posto na maratón

Finalmente o equipo nº 6, con 79 especies detectadas e 85 puntos, quedou co terceiro posto na maratón

Os resultados gloabis foron impresionantes, batendo o record de especies vistas nesta maratón chegando as 117 especies de aves detectadas en total. Cifras que fixeron que tanto monitores como asistentes, gozaran dunha xornada estupenda chea de bos momentos e moitas aves para a lembranza.

Este é o resumo das cifras por equipos:

Consulta aquí a lista completa de observacións por especie e Equipo.

A nosa noraboa aos gañadores, e o noso máis sincero agradecemento a tódolos participantes polo seu esforzo, e por facer que cada ano siga a medrar a paixón polas aves da nosa contorna. Así mesmo, queremos dar as grazas á Reserva de Biosfera Mariñas Coruñesas e Terras do Mandeo por, a pesares da dificil situación que estamos a pasar debido a emerxencia sanitaria, seguir apostando un ano máis pola realización destas xornadas.

Vémonos na seguinte!!