Volvemos a realizar a iniciativa de “Hábitat sen lixo” e nesta ocasión iremos a recoller os residuos que chegan á Praia de Bens (A Coruña). Os plásticos, restos de redes de pesca, roupa e demais refugallos que son abandonados, acaban chegando tarde ou cedo ao mar, e moitos son arrastrados ata as nosas praias. Agora en verán vemos en moitas praias (que non teñen servizos de limpeza mecanizada) o que o mar arrastra ata elas, e non sempre son algas. No mar estes residuos son a causa da morte de moitos animais. Algúns confúndenos con comida, outros quedan enredados e case sempre o final é o mesmo, a morte. Cun pouco de sentidiño frearemos esta acumulación inxente de lixo nos nosos espazos naturais e evitaremos a perda de moitas aves, mamíferos, réptiles, etc, que viven neles.

Nesta nova actividade de Hábitat sen lixo na Praia de Bens contaremos coa colaboración da Asociación Simbiose, cuxos voluntarios viron este venres, 28 de agosto, a retirar Carpobrotus edulis da Praia de Alba (Arteixo).