O vindeiro martes, 28 de abril do 2026, “Natureza kmØ” acudirá á Escola Infantil Municipal Monte Alto (A Coruña) para desenvolver un obradoiro dirixido a descubrir as aves da nosa contorna, e máis concretamente aquelas que visitan os arredores da escola. Coa canción “A romaría dos paxaros” do grupo musical Fol do vento como fío condutor, estorniños, carrizas, paporrubios, anduriñas, e moitas outras aves, serán as protagonistas desta xornada de achegamento á ornitoloxía para os máis cativos.