Este xoves, 7 de agosto do 2025, realizaremos unha nova xornada ambiental no parque de Santa Margarida coa participación da ONG Accem, entidade que traballa para mellorar as condicións de vida das persoas en risco de vulnerabilidade. A actividade centrarase na identificación, recoñecemento e respecto pola diversidade biolóxica que habita na cidade da Coruña. Unha xornada de descuberta e conversa sobre a fauna, a flora e a situación ambiental deste emblemático enclave da nosa cidade.