Continuamos coas actividades primaverais do proxecto “Coñece o teu mar”, dentro do cal o Grupo Naturalista Hábitat está a organizar actividades divulgativas sobre o medio mariño que nos rodea, cofinanciadas pola Unión Europea a través do GALP Golfo Ártabro Sur. O obxectivo é educar e concienciar sobre a importancia dos ecosistemas mariños, a súa biodiversidade, conservación e os impactos humanos neles.

A finais de marzo estaremos na Casa da Cultura Vila Melania do Concello de Culleredo co seguinte programa de actividades:

• Mércores 23 abril, 19.00 – 20.30 h – Faladoiro sobre medio mariño.
• Xoves 24 abril, 19.00 – 20.30 h – Faladoiro sobre flora mariña.
• Venres 25 abril, 19.00 – 20.30 h – Faladoiro sobre fauna mariña.
• Domingo 27 abril, 10:30 – 12:00 h – Saída de campo (ria do Burgo).

 As xornadas son de balde e abertas ao público, previa reserva de praza (inscrición) a través do seguinte formulario habilitado:

As prazas son limitadas. Seguirase unha rigorosa orde de inscrición ata completar o máximo de participación. O feito de cubrir o formulario non asegura praza na actividade ata non recibir confirmación por parte do G. N. Hábitat a través do correo electrónico achegado na inscrición.

Todos os participantes que sexan confirmados vía e-mail contarán cun seguro de accidentes e responsabilidade civil durante o desenvolvemento da xornada, e recibirán vía e-mail a información e recomendacións que sexan precisas para poder gozar da actividade.

Dúbidas e comentarios en mares@gnhabitat.org│639 131 688

Agardámoste!