O mércores 16 de outubro impartiremos unha charla informativa para os estudantes do IES de Carral, no marco do proxecto “Vixías dos nosos ríos”.

O alumnado de 1º da ESO poderá aprender a metodoloxía que se seguirá nos obradoiros de campo para avaliar o estado ecolóxico das augas do río e do bosque de ribeira. Falarase da análise da calidade do bosque, medicións fisicoquímicas e a valoración dos índices de macroinvertebrados. Tamén afondarase na importancia dos ecosistemas fluviais e presentaremos algúns dos impactos que estes ecosistemas padecen. 

Esta actividade desenvólvese no marco de “Vixías dos nosos ríos”, un proxecto do Grupo Naturalista Hábitat subvencionado por Augas de Galicia.

Dúbidas e comentarios en vixiasrios@gnhabitat.org│639 13 16 88