Continuamos coas actividades do proxecto “Vixías dos nosos ríos”, cunha charla divulgativa para o alumnado do IES Canido, de Ferrol, o martes 8 de outubro.

Nela, explicarase aos alumnos de 1º de bacharelato a metodoloxía a seguir nos obradoiros en campo para avaliar o estado ecolóxico dun rio: análise da calidade do bosque de ribeira, medicións fisicoquímicas e índices de macroinvertebrados. Tamén falarase da importancia dos ecosistemas fluviais e amosaranse algúns dos impactos que sofren estes ecosistemas. 

Esta actividade encádrase no programa de actividades de “Vixías dos nosos ríos”, un proxecto do Grupo Naturalista Hábitat subvencionado por Augas de Galicia.

Dúbidas e comentarios en vixiasrios@gnhabitat.org│639 13 16 88