O vindeiro xoves, 23 de marzo, realizaremos unha nova xornada ambiental. Desta volta, e acompañados do alumnado do CEIP Luís Seoane, celebraremos o día da árbore, que se conmemorou o día 21 de marzo. Contaremos tamén cos membros da Asociación de veciños de San Cosme de Maianca, e xuntos descubriremos a importancia das árbores para conservar a biodiversidade dos nosos bosques.