Este venres, 6 de febreiro do 2026, “Natureza kmØ” acudirá ao Parque de San Diego co CEIP Sal Lence (A Coruña), para continuar coa iniciativa de levar adiante as necesarias tarefas de revisión, desinfección, mantemento e recolocación das redes de caixas niño e refuxios de fauna que temos establecido en diferentes espazos verdes da cidade.

Estas redes, compostas por diferentes estruturas destinadas á cría ou refuxio de especies silvestres, instaladas nos espazos verdes das contornas urbanas (tales como parques, patios de centros escolares, entre outros) e correctamente elaboradas e mantidas, poden axudar a suplir a escaseza de refuxios naturais, facilitar a posta en marcha de estudos científicos, ao tempo que permitir o establecemento de certas especies beneficiosas (fauna útil) nun espazo determinado, optimizando a biodiversidade da contorna.