
O censo consiste en buscar indicios de cría (machos territoriais, adultos con material para facer o niño, adultos con bicada, niños…) das seguintes especies de paxaros que se sabe que crían ou criaron na cidade:
- Pardal (Gorrión común) Passer domesticus
- Rabirrubio (Colirrojo tizón) Phoenicurus ochruros
- Estorniño negro (Estornino negro) Sturnus unicolor
- Cirrio común (Vencejo común) Apus apus
- Cirrio pálido (Vencejo pálido) Apus pallidus
- Andoriña común (Golondrina común) Hirundo rustica
- Andoriña de cu branco (Avión común) Delichon urbicum
Inclúense no censo estas outras dúas especies, das que non se ten constancia de cría na cidade da Coruña, pero que poderían criar:
- Estorniño pinto (Estornino pinto) Sturnus vulgaris
- Pardal montés (Gorrión molinero) Passer montanus
A metodoloxía é moi sinxela: facer alomenos unha visita a 1 barrio (zona) dunha mesma cuadrícula (o ideal é entre 1 e 3 barrios por cuadrícula) entre o 1 e o 31 de maio, desde unha hora despois do amencer ata as 13:00 h oficial. As visitas aos barrios dunha cuadrícula pódense facer no mesmo día ou en días diferentes, a ser posible sen vento forte nin choiva.
As observacións realizadas haberá que anotalas nunha ficha sinxela, aquí tes o exemplo da ficha para a cuadrícula número 9.
Para confirmar a túa participación, só tes que enviar un mail a gnhabitat@yahoo.es co asunto “URBANAS”, indicando a cuadrícula do mapa que che interesa. Remitirémoste unha ficha coa ortofoto e o mapa en branco da mesma, para que poidas anotar as observacións.
Grazas por participar!
Leave A Comment