Natureza kmØ adéntrase no mar para achegarse ao mundo dos mamíferos mariños! Comentaremos as principais características e adaptacións deste diverso grupo faunístico, falaremos das especies máis habituais na costa da Coruña, e coñeceremos o traballo desenvolvido pola Rede de Varamentos de Galicia encabezada pol@s compañeir@s da Coordinadora para o Estudo dos Mamíferos Mariños (CEMMA), e na que dende o G.N.Hábitat mantemos unha colaboración activa. 

A xornada, de balde e aberta ao público, terá lugar o domingo, 12 de abril do 2026, ás 16:30h, no local social do G.N.Hábitat (rúa Camariñas 8, baixo. 15002, A Coruña –ver localización no mapa-). A actividade terá unha primeira parte de contidos teóricos, á que lle seguirá unha experiencia práctica na que aprender os pasos máis elementais na asistencia a varamentos (esta práctica, se as circunstancias o permiten, poderá levarse a cabo nunha praia próxima ao local do G.N.Hábitat, cuestión que será definida no mesmo momento da actividade co grupo asistente).

Para a asistencia e participación é imprescindible a reserva de praza (inscrición previa) a través do seguinte formulario habilitado:

As prazas son limitadas. Seguirase unha rigorosa orde de inscrición ata completar o máximo de participación. O feito de cubrir o formulario non asegura praza na actividade ata non recibir confirmación por parte do G.N.Hábitat a través do correo electrónico achegado na inscrición.

Dúbidas e comentarios en inscricion@gnhabitat.org│981 135 014

Agardámoste!