Estes meses realizaremos actividades en 15 ríos da zona de Galicia Norte, da man de Augas de Galicia, baixo o nome “Vixías dos nosos ríos”, co obxectivo de coñecer o seu estado de saúde, divulgar os seus valores ambientais, dar a coñecer as súas problemáticas de conservación e actuar sobre elas a través do voluntariado ambiental.

Todas estas actividades serán abertas ao público ou desenvolveranse con centros educativos, porque, como sempre dicimos, todas as persoas debemos coñecer o noso Patrimonio Natural para, entre todos, poder conservalo. Neste caso, pretendemos formar a futuros Vixías dos nosos ríos, para que coñezan os bosques de ribeira, a fauna que vive neles e as especies que a ameazan, e así poidan loitar pola súa conservación.

Iremos informando de todas as actividades que se vaian lanzando (podes filtrar a táboa):

As xornadas son de balde e abertas ao público. Para a asistencia e participación é imprescindible a reserva de praza (inscrición previa) a través do seguinte formulario habilitado:

As prazas son limitadas. Seguirase unha rigorosa orde de inscrición ata completar o máximo de participación. O feito de cubrir o formulario non asegura praza na actividade ata non recibir confirmación por parte do G.N.Hábitat a través do correo electrónico achegado na inscrición.

Todos os participantes que sexan confirmados vía email contarán cun seguro de accidentes e responsabilidade civil durante o desenvolvemento da xornada, e recibirán vía email a información e recomendacións que sexan precisas para poder gozar da actividade.

Este voluntariado ambiental encádrase no programa de actividades de “Vixías dos nosos ríos”, un proxecto do Grupo Naturalista Hábitat subvencionado por Augas de Galicia.

Dúbidas e comentarios en vixiasrios@gnhabitat.org│639 13 16 88

      inscricion@gnhabitat.org│981 135 014

Anímate e forma parte dos Vixías dos nosos ríos!