Dende o Grupo Naturalista Hábitat, e grazas á financiación de Augas de Galicia, comprácenos lanzar o proxecto “Vixías dos nosos ríos”. A iniciativa ten por obxectivo xeral avalizar a situación de 15 ríos da provincia da Coruña, mediante o estudo de indicadores de calidade fisicoquímica da auga e a análise do estado de conservación dos bosques de ribeira, co uso tamén de bioindicadores como invertebrados e plantas acuáticas.

Ao longo do desenvolvemento do proxecto organizaranse unha serie de actividades abertas ao público ou en colaboración con diferentes entidades, nas que se achegará a xente a estes espazos de vital importancia. As persoas interesadas en participar nas actividades, ademáis de coñecer a importancia dos ecosistemas fluviais, as súas principais ameazas e o estado actual dos ríos, poderán implicarse activamente para paliar os impactos que padecen mediante accións de voluntariado ambiental, tales como limpezas de lixo e/ou eliminacións de especies exóticas invasoras.

Para máis información, vixiasrios@gnhabitat.org│981 135 014

Vémonos nas actividades!