Os vindeiros xoves 5, e venres 6 de outubro do 2023, a Torre de Hércules coorganiza o evento ‘Paisaxes e sitios. Participar para convivir’, enmarcado nas xornadas técnicas da Alianza de Paisajes Culturales y Sitios Afines del Patrimonio Mundial. Estas xornadas contan coa Torre de Hércules como anfitriona, e teñen por obxectivo convidar a reflexionar sobre a participación das institucións, comunidades e asociacións locais, e o seu papel na divulgación dos valores do Patrimonio Mundial e na súa protección e salvagarda.

O evento abre as súas portas á cidadanía, fomentando así o seu compromiso co patrimonio. As conferencias contarán con representantes de organismos como o Ministerio de Cultura e Deporte, ICOMOS, a Presidencia española do Consello de Europa, CISPAC e asociacións locais. Tal é o caso do Grupo Naturalista Hábitat, que como entidade ambiental moi activa no desenvolvemento de iniciativas na contorna da Torre de Hércules, estamos convidados a participar na mesa redonda nomeada “A achega do tecido social ao P.M. Torre de Hércules“, que terá lugar o venres día 6, ás 10h.

Para participar neste evento, que terá lugar na Fundación Luis Seoane (Rúa San Francisco, 27. 15001, A Coruña. Ver localización no mapa) é preciso inscribirse a través do formulario habilitado pola organización:

Así mesmo, na seguinte ligazón poderás descargar o programa completo das xornadas

Agardámoste!